720 қазақстандық жылжымайтын мүлікке салық төлеуі керек, — деп хабарлайды Tengrinews.kz тілшісі Мемлекеттік кірістер комитетіне сілтеме жасап.
Ведомствоның мәліметінше, 2021 жылы 3,8 миллион жеке тұлғаның мүлік салығы 15 миллиард теңгеден аса сома болған. Салық төлеушілердің негізгі саны төрт миллион теңгеге дейінгі мүліктің иелері.
«Құны 100 миллион теңгеден асатын жылжымайтын мүлік иелерінің саны 720 адам. Олардан жалпы алғанда 610 миллион теңге салық өндірілді. Олардың басым бөлігі Алматы, Астана және Шымкентте, — делінген Мемлекеттік кірістер комитеті жіберген хабарламада.
Жылжымайтын мүліктің бағалау құны мен нарықтық құны әртүрлі екені атап өтіледі.
«Жеке тұлғалардың мүлкіне салынатын салықты есептеу үшін «Азаматтарға арналған үкімет» тарапынан салық ставкаларының прогрессивті шкаласы белгіленді. Көлік салығының да прогрессивті шкаласы белгіленді», — делінген хабарламада.
Сондай-ақ, 2023 жылы жаңа Салық кодексінің дайындалатыны хабарланды. Бұл фискалдық реттеуді қалпына келтіру үшін жасалады.
