Төреғали Төреәлі Көлсайда соққыға жығылған гидпен тіл табысып, бітімге келгенін айтты, — деп хабарлайды Tengrinews.kz тілшісі.
Әнші жазбасында баяндап, гидпен бірге түскен суретін жариялады.
«Ер шекіспей, бекіспейді» деп Бекарыс бауырымызбен мәмілеге келдік. Қарапайым адамға да, өнер адамына да ортақ республикамыздың заңымен құзырлы органдардың тексерісінен өтіп, ресми бітімге келдік. Сүрінгенде сүйеу болған, түңілгенде тіреу болған Алаш жұртына көп рақмет!
Қызық болғанда, бүгін Бекарыс бауырымыздың дүниеге келген күні екен. Ғұмыры ұзақ, өмірі берекелі болсын!» — деп жазды әнші Instagram-парақшасында.
