Қылмыстық іздестіру қызметінің 104 жылдығына орай Солтүстік Қазақстан облысы Айыртау ауданының спорт кешенінде шағын футболдан турнир өткізілді. Жарысқа №51 мекеме, прокуратура, өрт сөндіру бөлімі, ТЖД, АІІБ, жергілікті полиция қызметі және №5510 әскери бөлім қызметкерлерінен тұратын 7 команда қатысты.
Дәстүр бойынша іс-шара Қазақстан Республикасының әнұранын орындаудан және қылмыстық іздестірудің қысқаша тарихынан басталды. Алаңда қатысушылардың өздерінен басқа матчты көруге және әріптестерін қолдауға келген басқа қызметкерлер де болды.
Матч қорытындысы бойынша III орында №51 мекеме командасы орналасты, II орынды өрт сөндіру бөлімінің қызметкерлері және I орынды жергілікті полиция қызметінің командасы иеленді.
Жарыс жеңімпаздары грамоталар, кубоктар және медальдармен марапатталды. Сондай-ақ, әр қатысушыға жарыстарға белсенді қатысқаны үшін алғыс хаттар табыс етілді.
