Астана қаласы бойынша ҚАЖ Департаменті №3 мекемесінде жазасын өтеп жүрген «В», есімді сотталған, азаматтық некедегі жұбайымен заңды некеге отырып, неке қию туралы куәлігін алды.
Ғашық жұптар өз сезімдерін заңдастыруға және некеге тұруға ұмтылады. Бірақ өмір болған соң әдеттегі жағдайлардан басқа да өзгеше жағдайлар болып тұрады. Сотталған адамға жеке өмірін қалауынша құру үшін және некесін қиып, оны тіркеуіне “жазасын өтеyі” кедергі келтірмейді. Тек мұндай жағдай — сотталған қалыңдыққа неке сақинасын сыйлай алмайтынымен, неке қию рәсіміне көп қонақтардың бара алмауымен ерекшеленеді. Сотталған мен оның жұбайы заңгерінің көмегімен Астана қалалық жұмыспен қамту, әлеуметтік бағдарламалар және АХАТ бөліміне некеге тұру туралы өтініш толтырып, өтініші қанағаттандырылып, АХАТ бөлімінің қызметкері неке қию туралы куәлігін жас жұбайларға табыстады. Мекеме басшысы Н.Е.Ажихановтың айтуынша, түрме тарихында сотталған кісі сүйген адамымен тағдырын байланыстырып, өмірін қайта құрып, мерзімінен бұрын босатылған кездер көп болған.
