Ел Президенті Қасым-Жомарт Тоқаевтың халыққа арнаған кезекті Жолдауына Ақтөбе облысы бойынша Қылмыстық-атқару жүйесі департаментіне бағынысты № 9 мекемесінің жеке құрамы қолдау білдіруде.
Мемлекет басшысының Жолдауын зор тебіреніспен тыңдаған мекеменің жеке құрамы бағдарлы құжаттың құқық қорғау қызметкерлеріне үлкен жауапкершілік жүктейтінін жеткізді.
ҚАЖ қызметкерлері сондай-ақ мемлекет тарапынан ішкі істер органдарына үнемі демеу көрсетілетінін және қызметкерлердің баспана мәселесін шешу, жалақысын көтеру, қызметіне жағдай жасау сынды тұстарда жан-жақты қолдап отыратынын атап өтті.
«Қылмыстық және Қылмыстық-процестік кодекстерді мұқият саралаған Мемлекет басшысы 2015 жылдан бері Қылмыстық және Қылмыстық-процестік кодекстерге жиі енгізілген өзгерістердің заңдылық пен тәртіпті нығайтуда тиімділігі төмен екендігін атап өтті. Сонымен қатар, әкімшілік-құқықтық жауапкершіліктің, оның ішінде отбасыдағы зорлық-зомбылық танытқандардың қылмыстық жауапкершілік санатына жатқызу мәселесін алға тартты.
Мұндай өзгерістер көбінесе қоғамға қызмет етуге, қауіпсіздік мәселелерінде тиімді шешімдерді әзірлеу бойынша бірлескен жұмысқа бағытталған ұйымдастырушылық тәсіл стилін оңтайландыруға бағытталған. Сондықтан, Президент Жолдауы құқық қорғау органдары жұмысының тиімділігін арттыруға және орган қызметкерлерінің әлеуетін дамытуды көздейтіні сөзсіз»,- дейді мекеме қызметкерлері.
