Оңтүстік Африка Республикасында жаппай тәртіпсіздіктер басталды

Оңтүстік Африка Республикасында энергия бағасының өсуі мен өмір сүру деңгейінің төмендеуіне байланысты тәртіпсіздіктер басталды, — деп хабарлайды Tengrinews.kz тілшісі Africa News басылымына сілтеме жасап.

Негізгі қызметтердің қымбаттығына наразы жергілікті тұрғындар Йоханнесбург қаржы орталығының солтүстік-шығысындағы Тембиса қаласында жолдарды дөңгелектермен қоршап, муниципал ғимаратты өртеп жіберді.

Билік полициямен болған атыс кезінде екі адам қаза тапқанын мәлімдеді. Кейін Оңтүстік Африканың Қорғаныс министрлігі өртенген ғимарат кіреберісінде тағы екі мәйіт табылып, қаза тапқандардың жалпы саны төртке жеткенін хабарлады. Полицейлер екі адамның өліміне не себеп болғанын әзірге растаған жоқ. Тергеу жүріп жатыр.

Айта кетейік, әлемдегі жұмыссыздық пен қылмыс деңгейі ең жоғары елдердің бірі саналатын Оңтүстік Африкада наразылық шерулері жиі болып тұрады. Eskom ұлттық коммуналдық кәсіпорнының қарыздары көп, жұмысшылары ереуілге шығып жатыр. Сол себептен, кейінгі айларда электр қуатының үзілуі де көбейді.

Новые увлечения и первые успехи: чему подростки учатся в досуговых центрах Медеуского района

В Алматы работают 100 досуговых центров, которые регулярно посещают...

Бостандық ауданында тоғызқұмалақтан BOSTAN CUP турнирі өтті

18 қараша күні Алматы қаласының Бостандық ауданында ұлттық зияткерлік...

Қазақстанның агроөнеркәсіптік кешені:жетістіктері мен даму мүмкіндіктері

Қазақстан – ауыл шаруашылығы саласын дамытуға зор мүмкіндігі бар...

АБАЙ УНИВЕРСИТЕТІНДЕ ПОЛЯК ОРТАЛЫҒЫ АШЫЛДЫ

Бүгін Абай университетінде Польша тілі мен мәдениеті орталығының салтанатты...