«Құрбан айт» еліміздің басты мерекелерінің бірі болып саналады, демек мемлекетіміз көп ұлтты, зайырлы мемлекет болғандықтан бұл мерекені Қазақстан халқының барлығы ат салысып тойлауға тырысады. Осы себепті Шығыс Қазақстан облысы бойынша қылмыстық-атқару жүйесі Департаменті ОВ-156/14 мекемесінде де бұл мейрам ерекше аталып өтті. Сотталғандар арасында ұйымдастырылған мәдени-спорттық іс шара жоғары деңгейде ұйымдастырылды. Жасақтар арасында волейбол, арқан тарту және гир көтеруден жарыстар өткізілді. Аталған іс-шараға сотталғандардың басым көпшілігі қатысып, ең үздіктері анықталды. Жеңімпаздар бағалы сыйлықтар және арнайы грамоталармен марапатталды.
Осындай мерекелерге арналған көпшілік іс-шаралар мекемемізде өте жиі ұйымдастырылып отырады, себебі спорт пен мәдениет барлық сотталғандарды біріктіріп, араларындағы психологиялық микроклиматты нығайтуға өз септігін тигізеді деп мекеме бастығы әділет полковнигі Самат Ахмеджанов өз пікірімен бөлісті.
