Президент Алматы қаласында бірқатар кездесу өткізді, — деп хабарлайды Tengrinews.kz тілшісі Ақорда сайтына сілтеме жасап.
Сайттың мәліметінше, Қасым-Жомарт Тоқаев Kaspi.kz компаниясының негізін қалаған Вячеслав Ким мен Михаил Ломтадзені және танымал кәсіпкер әрі меценат Рашид Сәрсеновті қабылдаған.
Кездесу барысында Мемлекет басшысына Kaspi.kz құрылтайшылары халықаралық деңгейде танымал финтех компаниясының қазіргі қызметі мен одан әрі даму перспективаларының жоспары туралы мәлімет берді.
Рашид Сәрсеновпен кездесуде отандық кәсіпкерлікті дамыту және қолдау мәселелері, соның ішінде бірқатар әлеуметтік маңызы бар жобаларды жүзеге асыру мәселелері талқыланды.
