Сурдлимпиада-2022 ойындарында Қазақстан құрамасының қоржыны жоғары стандартты тағы бір медальмен толықты. Грек-рим стиліндегі палуан Хайратхаан Шоңқу алтыннан алқа тағынды, деп хабарлайды Zakon.kz.
130 келі салмақта өнер көрсеткен Хайратхаан Шоңқуға тең келер ешкім болмай, ол жеңіс тұғырының жоғарғы сатысына көтерілді. Финалдық белдесуде қазақ балуаны түрік спортшысы Мехмет Юсалды айқын басымдықпен жеңді.
Сонымен қатар тағы үш қазақ палуаны медальмен марапатталды. 97 келі салмақта Асылан Тәжиев күміс жүлдені жеңіп алды. Ал Нұржан Асан (77 келі) пен Алдияр Балташев (60 келі) қола медальды еншіледі.
