Дүниежүзілік денсаулық сақтау ұйымының (ДДСҰ) COVID-19 жағдайына қатысты төтенше комитеті 11 сәуірде өткен отырысында коронавирус пандемиясы әлі аяқталмағанын, қазір COVID-19-ға қатысты «қырағылығымызды әлсірететін» уақыт емес екенін мәлімдеді, — деп хабарлайды Tengrinews.kz тілшісі РИА Новостиге сілтеме жасап.
«Өкінішке орай, пандемия аяқталған жоқ, вирус әлі де белсенді, өлім деңгейі жоғары. Кеше комитет бірауыздан панжемия бітті деп айтатын сәт әлі келген жоқ деп шешті», — деді брифингте.
ДДСҰ-ның Бас директоры Тедрос Адханом Гебрейесус өткен аптада пандемия басталғаннан бері COVID-19 өлімінің ең аз саны тіркелгенін айтты. Сонымен бірге, оның айтуынша, кейбір елдерде аурудың айтарлықтай өсуі байқалады, бұл ауруханалардың жұмысына қысым жасап жатыр.
