Президент Қасым-Жомарт Тоқаев Алматы облысын екіге бөлуді ұсынды, — деп хабарлайды Tengrinews.kz тілшісі.
«Үшінші мәселе. Алматы агломерациясына қатысты түйткілдер көп. Осы және басқа да жайттарды ескере отырып, Алматы облысын екіге бөлуді ұсынамын. Бұл өңірде Жетісу және Алматы облыстары құрылады. Алматы облысының орталығы Қапшағайда болуы керек. Ал, Жетісу облысының орталығы Талдықорғанда орналасады», — деді Президент Парламент палаталарының бірлескен отырысында.
Тоқаевтың халыққа Жолдауы республикалық телеарналарда тікелей эфирде көрсетіліп жатыр.
