2022 жылы АЕК-тің былтырғы 2 917 теңгеден 3 063 теңгеге немесе 146 теңгеге өсуіне байланысты әлеуметтік төлемдер мен жәрдемақылар мөлшері артқан. Нәтижесінде, бала туғанда берілетін бір реттік жәрдемақының мөлшері:
• 1-ші, 2-ші және 3-ші балаға – 38 АЕК-ті (116 394 теңгені);
• 4-ші және одан да көп балаларға – 63 АЕК-ті (192 969 теңгені) құрайды Жұмыс істемейтін әйелдер (декреттік демалыс алған жұмыссыз ерлер) үшін 1 жасқа толғанға дейін бала күтімі бойынша ай сайынғы жәрдемақының биылғы мөлшері:
• 1-ші балаға – 5,76 АЕК (17 643 теңге);
• 2-ші балаға – 6,81 АЕК (20 859 теңге);
• 3-ші балаға – 7,85 АЕК (24 045 теңге);
• 4-ші және одан көп балаға – 8,90 АЕК (27 261 теңге) болуға тиіс. Төрт және одан көп кәмелетке толмаған балалары немесе 23 жасқа дейінгі күндізгі бөлімде оқитын студенттері бар көпбалалы отбасылар үшін жәрдемақы отбасының табысына қарамастан тағайындалады:
• 4 балаға – 16,03 АЕК (49 100 теңге);
• 5 балаға – 20,04 АЕК (61 383 теңге);
• 6 балаға – 24,05 АЕК (73 665 теңге);
• 7 балаға – 28,06 АЕК (85 948 теңге);
• 8 және одан да көп балаға – 32,06 АЕК (98 200 теңге), оған қоса әрбір келесі балаға 4 АЕК-тен (12 252 теңгеден). Яғни, Қазақстанда көпбалалы болу тиімдірек. Ал саны 3-ке дейінгі баласы бар орташа отбасыларға бүгінде 17–24 мың теңгені қанағат қылуға тура келеді.
