11 ақпан күні Бейжің Олимпиадасында қазақстандық атлеттер спорттың 4 түрінен сынға түседі, деп хабарлайды ҚазАқпарат.
Атап айтсақ, жұма күні қазақстандық спортшылар шаңғы жарысы, биатлон, трамплиннен секіру және шорт-тректен жарыс көрігін қыздырмақ.
11 ақпандағы жарыс кестесі:
Шаңғы жарысы
13:00. 15 км, классикалық стиль.
Ерлер Виталий Пухкало, Евгений Величко
Биатлон 15:00. Спринт.
Әйелдер. Галина Вишневская-Шепоренко
Трамплиннен секіру
17:00. Іріктеу. Үлкен трамплин. Ерлер
Сергей Ткаченко, Данил Васильев
Шорт-трек
17:18. 500 м. Ерлер. Алғашқы кезең.
Әділ Ғалиахметов, Абзал Әжіғалиев, Денис Никиша
Осы орайда айта кетейік, 9 ақпанда шорт-трекші Әділ Ғалиахметов 1500 метр қашықтықта сынға түсіп, финалға шыққан болатын. Ал финалда 8-орын алып, әлемдегі үздік 10 спортшының бірі екенін дәлелдеді.
Енді, ертең Әділ Ғалиахметов 500 метрлік қашықтықта тағы да ел намысын қорғайды. Сондай-ақ, осы қашықтықта Абзал Әжіғалиев, Денис Никиша да жүлде үшін таласқа түседі.
