Алматы облысы полициясы дәмханаға барғаннан 18 азамат медициналық көмекке жүгінген іс бойынша қылмыстық іс қозғады, — деп хабарлайды Tengrinews.kz тілшісі.
Тергеу барысында Бесағаш ауылындағы кафеге барғаннан кейін зардап шеккендердің денсаулығына қатысты шағым түскені анықталды.
«Қазір ауруханаға медициналық көмек алу үшін 18 азамат жүгінді, олардың арасында балалар да бар. Бұл дерек бойынша сараптама тағайындалған өнімдер тәркіленді. Оның нәтижесі бойынша түпкілікті процессуалды шешім қабылданады», — деді полиция қызметкері.
Тергеу Қылмыстық Кодекстің 304-бабы «Санитария ережелері немесе гигиена нормаларын бұзу» бойынша жүргізіледі.