Қазақстанда колледждердегі мемлекеттік тапсырыс саны өспек. Енді 120 мың адам техникалық және кәсіби білімді тегін ала алады, деп хабарлайды Stan.kz ақпарат агенттігі.
Бұл 2021-2022 оқу жылымен салыстырғанда 25 мың орынға көп. Бұл туралы Білім және ғылым вице-министрі Шолпан Қаринова мәлімдеді.
Сонымен қатар колледждерді кәсіпорындар қамқорлығына беру жоспарланып отыр. Бұл қосарлы білім беруге жол ашады, яғни студенттер теориялық білімді оқу мекемесінде, практикалық білімді жұмыс орнында алады.
