Қазақстанда вакцинация жарнамасына қаражат жұмсала ма?

Денсаулық сақтау министрлігі Қазақстанда вакцинацияның жарнамасына ақша қалай бөлінетінін айтты, — деп хабарлайды Tengrinews.kz тілшісі.

Денсаулық сақтау министрлігінің қоғаммен байланыс департаменті өкілдері Tengrinews.kz ресми сауалына жауапта 9 ақпанда коронавирусқа қарсы халықты иммундаудың кешенді жоспары бекітілгенін хабарлады. Ол бойынша халыққа COVID-19-ға қарсы вакцинация қажет екені туралы түсіндіру іс-шаралары жоспарланған.

«Сонымен қатар, аталған жоспардағы іс-шараларды іске асыруға республикалық бюджеттен қаржы қарастырылмағанын хабарлаймыз», — деп мәлімдеді ведомстводағылар.

Сондай-ақ, Денсаулық сақтау министрлігі өкілдері «Қазақстанда вакцинация жүргізу бойынша ақпараттық-түсіндіру жұмысының медиа-жоспары» әзірленіп, бекітілгенін айтты. Алайда оған да ақша қарастырылмаған екен.

Алайда 2 сәуірдегі брифинг кезінде Алматы қаласы қоғамдық денсаулық сақтау басқармасының өкілі Лаура Мырзағали «Алматыда медиа жарнамалық компанияға (қаржы — еск.) салынғанын» айтқан болатын.

«Қазір бұл сұрақ қарастырылып жатыр, қалада вакцинация бойынша жарнамаларды көресіздер, ол жерде: қашан салу керек, қандай жағдайда салдырмау керегі және тағы басқасы түсіндіріледі», — деген еді басқарма өкілі.

Еске салайық, бұған дейін денсаулық сақтау министрі Алексей Цой халықты вакцинациялауды ескере отырып, Қазақстанда коронавирустың таралуы бойынша оптимистік және нақты болжам айтқан болатын.

Таяу Шығыс: Сирияда миллиондаған адам үйлеріне оралды

Сирияда ұзақ жылдарға созылған қақтығыстардан кейін ел тұрғындарының бір...

АҚШ, Қытай және Ресей басшылары маңызды кездесу өткізуге дайындалуда

2026 жылғы 17 қарашадағы маңызды халықаралық жаңалықтардың бірі —...

Сот-заңнамалық реформалар тәуелсіздікті арттырады

Сот төрелігін, сондай-ақ, заңдарды жетілдіру заман талабы. Өйткені, бұлар...

Кәсіби этика сыбайлас жемқорлыққа жол бермейді

Ел Конституциясы адамға бағдарланған мемлекет қағидатына негізделген, сондықтан, мемлекеттік...

Впервые разработан законопроект с помощью ИИ-платформы AI-Quryltai

Проект нового закона «О цифровой и информационной безопасности детей»...