«Қызыл» аймақтағы өңірлерде шығарып салушылар мен күтіп алушыларды теміржол вокзалы мен әуежайға кіргізу шектеледі. Бұл туралы көліктегі бас мемлекеттік санитария дәрігер Жанар Оразалинаның жаңа қаулысында айтылған, — деп хабарлайды Tengrinews.kz тілшісі.
«Тәуекелі жоғары аймақта («қызыл» аймақ) орналасқан өңірлерде шығарып салушылар мен күтіп алушыларды әуежай ғимаратына кіргізуге шектеу енгізілсін.
Тәуекелі жоғары аймақта («қызыл» аймақ) орналасқан өңірлерде шығарып салушылар мен күтіп алушыларды теміржол вокзалына кіргізуге шектеу енгізілсін», — делінген құжатта.
Қаулы қол қойылған күнінен бастап, яғни 15 сәуірден бастап күшіне енеді.
Айта кетейік, 15 сәуірдегі жағдай бойынша «қызыл» аймақта Қазақстанның 9 өңірі бар.
