Семейде жақын арада Назарбаев атындағы даңғыл пайда болуы мүмкін, — деп хабарлайды Arnapress.kz.
Бұл туралы агенттік тілшісіне облыстық мәслихат депутаты Айбек Нұғымаров айтты.
«Қарағайлы шағынауданында әзірше атаусыз тұрған көшеге Назарбаевтың есімі берілсе дейміз. Сонымен қатар, сол аудандағы спортнысанды да Тұңғыш Президенттің құрметіне «Елбасы-Арена» деген атау беру ұсынылды», — деді Айбек Нұғымаров.
Оның сөзінше, ұсынысты 30-ға жуық адам жасаған. Оның ішінде, ақсақал, депутаттық корпус өкілдері мен қаланың қоғам белсенділері бар.
«Бәрі болды — мәдениет, спорт және қалалық белсенділер… Бүгінде шешім қалалық мәслихатта, сосын оны астанаға жібереді, сол жерде шешіледі», — деді ол.