2026 жылғы 1 шілдеден бастап «Қазақстан Республикасының мемлекеттік қызметі туралы» жаңа редакциядағы Заңы қолданысқа енгізілді
Заң мемлекеттік қызметтің тиімділігін арттыруға, кәсібилікті нығайтуға, ашықтық пен есептілікті қамтамасыз етуге, сондай-, азаматтардың құқықтары мен заңды мүдделерін қорғауға бағытталған. Заң мемлекеттік қызметке кіру, оны өткеру және тоқтату тәртібін жетілдіруді, мемлекеттік қызметшілердің құқықтық мәртебесін, әдеп нормаларын және жауапкершілігін нақтылауды көздейді.
Осыған байланысты мемлекеттік органдарда заңнама талаптарының сақталуын қамтамасыз ету мақсатында түсіндіру жұмыстары тұрақты түрде жүргізілуде.
Түсіндіру барысында қызметкерлерге жаңа заңның негізгі жаңашылдықтары, мемлекеттік қызмет қағидаттары, мемлекеттік қызметшілердің құқықтары мен міндеттері, әдеп талаптары, мүдделер қақтығысының алдын алу, сыбайлас жемқорлыққа қарсы шектеулерді сақтау және қызметтік тәртіп мәселелері жан-жақты түсіндіріледі. Сонымен қатар азаматтарға бағдарланған мемлекеттік басқару қағидаттары, ашықтықты қамтамасыз ету және мемлекеттік қызмет көрсету сапасын арттыру жөніндегі талаптарға ерекше назар аударылады.
Түсіндіру жұмыстары барысында қызметкерлердің сұрақтарына қолданыстағы заңнама талаптарына сәйкес жауаптар беріліп, жаңа нормаларды тәжірибеде дұрыс қолдану жөнінде әдістемелік ұсынымдар жеткізіледі.
Мемлекеттік қызметшілерге заң талаптарын мүлтіксіз сақтау, қызметтік әдепті ұстану, сыбайлас жемқорлық тәуекелдерін болдырмау, азаматтардың өтініштерін заңда белгіленген мерзімдерде сапалы қарау және мемлекеттік қызметтің беделін арттыруға бағытталған мінез-құлық қағидаларын сақтау қажеттігі атап өтіледі.
Бүгінге таңда заңнаманың талаптарын сақтау мәселелері бойынша ақпараттық-түсіндіру іс-шаралары тұрақты негізде жалғастырылып, мемлекеттік қызметшілердің құқықтық сауаттылығын арттыруға бағытталған жұмыстар жүйелі түрде жүргізілуде.
МҚІА Қарағанды облысы бойынша департаменті
