2026 жылғы 1 шілдеден бастап күшіне енген «Қазақстан Республикасының мемлекеттік қызметі туралы» заңға енгізілген өзгерістер мемлекеттік басқару сапасын арттыруға, тиімді әрі азаматтарға бағдарланған аппарат қалыптастыруға бағытталған.
Жаңа нормалар мемлекеттік қызметшілердің кәсібилігіне, әдептілігіне, ашықтығына және жауапкершілігіне жоғары талап қояды. Сервистік мемлекет қағидаты енгізіліп, мемлекеттік қызметтердің қолжетімділігін арттыру, бюрократиялық кедергілерді азайту көзделген.
Мемлекеттік қызметке іріктеу үдерісі цифрландырылып, «Е-қызмет» жүйесі арқылы ашық жүргізіледі. Сондай-ақ жастарды тарту, кәсіби даму және мансаптық өсу мүмкіндіктерін кеңейтуге басымдық берілген.
Өзгерістердің басты мақсаты – тиімді, ашық және халық сеніміне ие мемлекеттік аппарат қалыптастыру.