Абай облысы бойынша Қылмыстық-атқару жүйесінің ең жоғары қауіпсіздік мекемесінде сотталғандар арасында армрестлингтен турнир ұйымдастырылды. Спорттық іс-шара тәрбие жұмысы аясында өткізіліп, салауатты өмір салтын насихаттауға, дене шынықтыруды дамытуға және сотталғандардың оң уәжін қалыптастыруға бағытталды.
Жарысқа 40-қа жуық сотталған қатысты. Қатысушылар өздерінің жақсы дене дайындығын, қайсарлығы мен жеңіске деген ұмтылысын көрсетті. Турнир әділ бәсеке мен өзара құрмет жағдайында өтіп, көрермендер спортшыларды барлық белдесулер барысында белсенді қолдап отырды.
Армрестлинг – төзімділікті, тәртіпті және өз күшіне деген сенімділікті дамытуға ықпал ететін ең танымал күштік спорт түрлерінің бірі. Осындай іс-шараларды өткізу сотталғандардың бос уақытын тиімді ұйымдастыруға, денсаулығын нығайтуға және сындарлы қарым-қатынас дағдыларын қалыптастыруға мүмкіндік береді.
Жарыс қорытындысы бойынша жеңімпаздар мен жүлдегерлер әділ күресте анықталып, мекеме әкімшілігінің атынан марапатталды.
– Осындай жарыстар өз мүмкіндігіңді көрсетуге, күшіңді сынауға және уақытты тиімді өткізуге мүмкіндік береді. Турнирге қатысу спортпен тұрақты айналысуға және жақсы дене дайындығын сақтауға ынталандырады. Осындай іс-шараларға қатысуға мүмкіндік берген ұйымдастырушыларға алғысымды білдіремін, – деп бөлісті сотталғандардың бірі.
– Тәрбие жұмысының негізгі міндеттерінің бірі – сотталғандардың жан-жақты дамуына жағдай жасау. Спорттық жарыстар денсаулықты нығайтып қана қоймай, мақсаткерлікті, тәртіпті және қарсыласқа деген құрметті қалыптастырады. Мұндай іс-шаралар сотталғандардың күш-қуатын оң арнаға бағыттап, заңға бағынатын өмір салтын ұстануға деген ұмтылысын арттырады, – деп атап өтті сотталғандар арасында тәрбие және әлеуметтік-психологиялық жұмыс бөлімінің бастығы Ермек Рахимов.
