Алматы және Жетісу облыстары бойынша ҚАЖ департаментіне қарасты №57 мекемеде режимдік аумаққа тыйым салынған заттарды өткізу әрекетінің жолы кесілді.
Жедел ақпарат негізінде жедел бөлім қызметкерлері Ұлттық ұлан әскери қызметшілерімен бірлесіп, мекеме аумағына материал жеткізу үшін кірген автокөлікке тексеру жүргізді.
Тексеру барысында көліктің қосалқы дөңгелегінен жасырын орын анықталып, тыйым салынған заттар табылды.
Тексеру нәтижесінде 3 дана ұялы телефон, 5 дана USB-кабель және 3 дана USB-адаптер тәркіленді.
Тыйым салынған заттарды өткізу әрекеті дер кезінде тоқтатылды. Аталған дерек бойынша тексеру жүргізілуде.
Алматы және Жетісу облыстары бойынша ҚАЖ департаменті режимдік мекемелер аумағына тыйым салынған заттарды заңсыз алып кіру заңнамаға сәйкес жауапкершілікке әкеп соғатынын ескертеді.
