1 шілдеден бастап ипотека алу шарттары қатаңдайды, – деп хабарлайды aqshamnews.kz тілшісі.
Қазақстанда ипотека рәсімдеу ережелері өзгереді. Банктер енді қарыз алушыларды бұрынғыдан да мұқият тексеріп, әр клиентке жеке тәсілмен баға береді.
Басты жаңалық — бірыңғай пайыздық мөлшерлеме жойылады. Оның орнына әр адамға ипотека пайызы жеке есептеледі.
Мөлшерлеме мына факторларға байланысты болады:
• бастапқы жарна көлемі;
• табыс деңгейі;
• несие тарихы;
• қарыз жүктемесі;
• отбасы жағдайы.
Тағы бір маңызды өзгеріс — тек ресми табыс ескеріледі. Яғни, зейнетақы аударымдары арқылы расталмаған кірістер есепке алынбайды.
Енді табысты дәлелдемей немесе қосымша кепілсіз ипотека алу мүмкін болмайды.
