Бүгін қазақстандықтар таң бозынан республикалық референдумға қатысу үшін ерекше белсенділік танытуда. Еліміздің барлық өңіріндегі дауыс беру учаскелерінде өз азаматтық борышын өтеуге асыққан тұрғындардың кезегі байқалады.
Айта кетейік, арнайы дайындық науқаны аясында барлық учаскелер үздіксіз жұмыс істеуге толықтай бейімделген болатын. Дауыс беру күні, яғни 15 наурызда, барлық учакелер есігін тура сағат 07:00-де айқара ашты.
Тіпті, ресми жұмыс уақыты басталмай жатып-ақ, алғашқылардың бірі болып дауыс бергісі келген азаматтар жинала бастаған. Алғашқы бір сағаттың ішінде бұл үрдіс тіпті күшейіп, қазіргі уақытта республиканың түкпір-түкпіріндегі учаскелерде адамдар легі артып отыр. Соған қарамастан, сайлау учаскелерінде көтеріңкі көңіл-күй мен достық ахуал орнаған.
