Назарбаев Зияткерлік мектебінде педагогикалық ұжыммен жаңа Конституция жобасын талқылауға арналған кездесу өтті. Іс-шараның негізгі мақсаты – негізгі бастамаларды түсіндіру және азаматтарды қоғамдық диалогқа тарту болды.
Кездесуге қалалық Жалпыұлттық коалицияның мүшелері Досымбек Утегалиев пен Тимур Нуртаев қатысты. Іс-шара барысында жаңартылған Конституция жобасының негізгі ережелері таныстырылып, алдағы «Әділетті және Прогрессивті Қазақстанның Халықтық Конституциясы үшін» республикалық референдумының басым бағыттары кеңінен баяндалды.
Спикерлер ұсынылып отырған өзгерістердің заң үстемдігін нығайтуға, әлеуметтік әділеттілік қағидаттарын дамытуға, мемлекеттік органдар қызметінің ашықтығын арттыруға және олардың азаматтар алдындағы жауапкершілігін күшейтуге бағытталғанын атап өтті. Сонымен қатар жоспарланған реформаларды жүзеге асыруда азаматтардың маңызды рөлі ерекше айтылды.
