Адам бойындағы бар игі қасиет балабақша қабырғасынан басталады. Сондықтан еліміздің ертеңгі ұлт тізгінін ұстар бүлдіршіндеріміздің тәрбиесіне аса мән беру біздің негізгі мақсатымыз. Жас ұрпақты адамгершілікке, әдептілікке, имандылыққа тәрбиелеуде ұлттық сана-сезімнің қайнар бұлағы салт-дәстүрлеріміз болып табылады.
Алатау ауданы, Алғабас ықшам ауданындағы КМҚК «№84 Бөбекжай-балабақшасының» ересек «Шымбұлақ» тобының ата-анасы балаларға халқымыздың салт-дәстүрінің бірі – нәрестені «Бесікке салу» қазақ халқының жаңа туған сәбиді жеті күннен кейін бесікке салып, оның құлағына азан шақырып, ат қою дәстүрін көрсетіп, бесік жабдықтарының атауларымен таныстырды.
