Абай облысында №21 мекемесінде Наурыз мерекесіне орай ұйымдастырылған бұл он күндік шара сотталғандар үшін ерекше рухани қолдау әрі ұлттық дәстүрлерді дәріптеуге мүмкіндік екені көрініп тұр. Әсіресе, Көрісу күні, Қайырымдылық күні, Ұлттық киімдер күні, Отбасы күні, Жанару күні секілді шаралардың өткізілуі сотталғандардың қоғаммен байланысын нығайтып, рухани және мәдени құндылықтарды жандандыруға үлес қосады. Көрісу күніне сотталған Қ-ның жұбайы келіп , махаббатқа , сағынышқа толы кездесу өтті.
Қайырымдылық күніне Сотталған аналардың шала туған нәрестелерге жылы байпақ тоқып беруі – олардың жүрегіндегі мейірімділіктің көрінісі. Сондай-ақ, ұлттық салт -дәстүрді дәріптеу мақсаттында сотталған азаматшаның баласының тұсау кесу рәсімі өткізілуі ерекше мәнге ие. Бұл – болашаққа сенім мен үміттің символы. «Шаңырақ» отбасылық құндылықтарды нығайту мақсатында екі сотталған азаматтар үйленуге ұсыныс жасалып, өзі тағдырын, махаббатын осы 21мекемесінде кездестіріп тапқаннына қуанышы шексіз.
Жанару күніне ағаш отырғызу, Ұлттық спорт күніне арқан тарту, өнер сайыстары да моральдық-рухани тұрғыда оң өзгерістерге жол ашады. Осындай іс-шаралар сотталған жандардың қайта әлеуметтенуіне, өмірге деген көзқарасын өзгертуіне ықпал етеді.
Бұл шаралардың ұйымдастырылуына атсалысқан барша жанға алғыс білдіруге болады. Мұндай бастамалар сотталғандардың қоғамға қайта бейімделуіне зор әсер етеді.
