Алғыс айту күні — күрделі заманда иық тіресе бірге еңсеріп, қысқа мерзім ішінде Тәуелсіз Қазақстанды құру жолында аянбай тер төккен еліміздің барлық азаматтарының бір — біріне құрмет білдіретін, қазақстандық бірегейліктің негізгі арқауы — еліміздің барлық ұлт пен ұлысты бір шаңырақ астына топтастыратын күн.
▪️Осы орайда, Алғыс айту күні қарсаңында, Сот Әкімшілігінің Ақтөбе облысы бойынша Департаментінің Әдеп жөніндегі уәкілінің ұйымдастыруымен, Ақтөбе облысының мамандандырылған ауданаралық әкімшілік сотының қызметкерлері игі іс жасап, «Әлеуметтік жәрдем орталығы» арқылы қарияларға қолдау көрсетті. Олар қарт кісілердің аулаларын қардан тазартып, азық түлік жеткізіп, күнделікті тұрмысқа қажетті көмек көрсетті.
▪️Көмек алған зейнеткерлер ұйымдастырушыларға алғыстарын білдіріп, мұндай игі істер қоғам үшін маңыздылығын атап өтті.
🖊️ Ақтөбе облысының мамандандырылған ауданаралық әкімшілік сотының баспасөз қызметі
