2024 жылы Алматы облысындағы медициналық мекемелерге 90 дәрігер жұмысқа орналасты. Облыста кадр тапшылығын төменту мақсатында жас мамандарды қызметтік тұрғын үймен және жалға берілетін пәтерлермен қамтамасыз етудің өңірлік бағдарламасы іске асырылуда.
Өткен жылы 22 дәрігерге 180 908 000 тенге көлемінде және 19 орта медицина қызметкерлеріне 147 680 000 теңге көлемінде тұрғын үй алуға арналған несие берілді.
Дәрігерлерге жалға берілетін тұрғын үйге ай сайын 6 137 000 теңге көлемінде ақы төленді. Сонымен қатар, жалға берілген пәтерлердін коммуналдық қызмет ақысы 215 дәрігерге 5 670 000 теңге көлемінде төленді.
Денсаулық сақтау басқармасының басшысы Алмат Тұрысбекұлының айтуынша, жыл сайын жергілікті бюджеттен стипендия төлей отырып, резидентураға мамандар даярлауға қаржы бөлінеді. Бүгінгі күні 180 — резидент жергілікті бюджет қаражаты есебінен білім алуда.
«Медициналық ұйымдардағы тапшы мамандарға (бейінді мамандарға) шалғайдағы ауылдық жерлерге жұмысқа орналасқан дәрігерлерге, орта буын медициналық қызметкерлеріне бәсекеге қабілетті жалақы бекітіліп және лауазымдық жалақыға дербес үстемеақы белгіленген», — деді басқарма басшысы.
Жергілікті бюджет қаражаты есебінен оқыған мамандар арасында үш жақты шарт жасалынып, резидентураны аяқтағаннан кейін 3 жыл жергілікті мемлекеттік медициналық ұйымдарда толық көлемде жұмыс істеуге міндеттеме белгіленген. Жұмыс істеуден бас тартқан жағдайда білім алушылар жергілікті бюджеттен оқуға жұмсалған қаражатты 1 ай ішінде өтеуге міндеттелген.
Сонымен қатар дәрігерлердің біліктілігін аттыру мақсатында Ресей Федерациясында акушерлік-гинекология және неонатология саласы бойынша 12 дәрігер, Белорусия Республикасында реабилитация бойынша 12 дәрігер және отбасылық медицина мен жалпы практика дәрігерлерінің өкілеттігін жетілдіру мәселелері бойынша Лондонда 12 медицина маманы біліктілігін артырып, тәжірибе алмасып қайтты.
Айта кету керек, 2025 жылы «Аса тапшы медициналық мамандықтар тізбесін бекіту туралы» облыс әкімінің қаулысы күшіне енді.
Қаулы, ауылдық жерге кемінде бес жыл мерзімге жұмысқа келген аса тапшы медицина қызметкерлеріне 100 ЕТЖ мөлшерінде біржолғы ақшалай төлем төленеді.
