Қоғамның барлық мүшесіне тең мүмкіндік берілетін инклюзивті қоғам қалыптастыру –Президент Қасым-Жомарт Тоқаевтың реформаларының маңызды басымдықтарының бірі болып отыр. Бұл дегеніңіз ең алдымен – медициналық көмекке тең әрі әділ қолжетімділік, одан соң сапалы білім мен әлеуметтік бейімделуге арналған мүмкіндіктер. Бұл ретте әлеуметтік оңалтудың тиімді тетіктерінің бірі мектеп кезінен ерекше қажеттіліктері бар балаларды қатарынан қалдырмай қоғамға бейімдеу. Оларды басқалардан бөлектемей тең жағдай жасап, барынша қолдау.
Осы орайда Алматы қаласы Әуезов ауданының орта білім беру мекемелерінің ерекше білім беруді қажет ететін оқушылары арасында Тәуелсіздік күні мерекесіне орай «Тәуелсіздік деп соғады жүрегіміз» атты мәнерлеп оқудан байқау өткізілді. 1сынып пен 9 сынып аралығын қамтыған байқау барысында өнерімен дараланған балалар І,ІІ, ІІІ дәрежелі дипломдармен марапатталып, әрбір оқушы марапатсыз қалмады. Ерекше білім беруді қажет ететін оқушыларды сыныптан тыс іс-шараларға қатыстыру және оқушылардың жеке мүмкіндіктерінұштау мақсатында ұйымдастырғанЕдилова Алтынай Тулеевнаға ата аналар да, оқушылар да білім беру ұйымдары да риза болды.Байқауға қазылар алқасы ретінде қазақ тілі мен әдебиеті пәнінің мұғалімдері шақырылып, мәнерлер оқу бойынша бақ сынасқан балалар әдеби мәтінде анықтап мәнерлеп айту; өлеңнің байқау тақырыбына сәйкестігі; оқушының өзін сахнада ұстау мәдениеті талаптары бойынша бағаланды. «Тәуелсіздік деп соғады жүрегіміз» тақырыбындағы ең азы 2 шумақ өлеңді жатқа оқу ерекше қажеттілігі бар балаларды да шабыттандырып, қуанышқа бөледі. Өйткені ерекше білімді қажет ететін бала тұлғасын дамыту және оны қоғамға бейімдеу, ой-қиялын дамыту, Тәуелсіздік қадірін ұқтыру мақсатында аталмыш шараның маңызы зор болды.
Атап өтер жайт, инклюзивті оқыту негізінде балалардың қандай да бір дискриминациясын жоққа шығару, барлық адамдарға деген теңдік қатынасты қамтамасыз ету, сонымен бірге оқытудың ерекше қажеттілігі бар балаларға арнайы жағдай қалыптастыру идеологиясының маңызы зор! Осы бағыт балаларды оқуда жетістікке жетуге ықпал етіп, жақсы өмір сүру жағдайын қалыптастырады. Сондықтан қоғамымыздың ерекше қажеттілігі бар балаларды қолдауы құптарлық…
Қалдыбек Ақерке Мұстафақызы, педагог ассистент
