2024 жылдың басынан бастап елімізде «Еурохаттама» қосымшасы жұмыс істей бастады. Азаматтар ұсақ жол-көлік оқиғалары кезінде полицияның және соттың қатысуынсыз жеңілдетілген тәртіпте сақтандыру жағдайын рәсімдей алады. Бұл үшін мемлекет «Еурохаттама» мобильді қосымшасын әзірледі.
Еурохаттаманы барлық жағдайларда рәсімдеуге болмайды, себебі оны рәсімдеуге болатын белгілі бір ерекшеліктері бар.
1.тек екі көлік құралы (кінәлі тарап пен жәбірленуші)
2.ЖКО қатысушыларының қолданыстағы сақтандыру: көлік құралдары иелерінің азаматтық құқықтық жауапкершілігінің міндетті сақтандыруы ;
3.ЖКО нәтижесінде зиян тек ЖКО қатысушыларының көлік құралдарына келтірілген (өмірі мен денсаулығына зиян келтірілген жәбірленушілер болмаса, үшінші тұлғалардың мүлкі зардап шекпесе);
4.ЖКО қатысушыларында кімнің кінәлі тарап, кімнің жәбірленуші тарап екендігі туралы келіспеушіліктер болмаса;
5.Залалдың шекті сомасы 100 айлық есептік көрсеткішке (АЕК) дейін болса рәсімдеуге болады.
Жүргізушілердің ұялы телефондары еговқа тіркелу қажет.
Еурохаттама рәсімдеу кезінде автокөлік иелері сақтандыру төлемін кеңсеге бармай-ақ қашықтан ала алады.
Б.Н.Исағабылов, Аудандық соттың бас маманы
Судьялар Одағының мүшесі
