Мемлекет басшысы Қасым-Жомарт Тоқаев 2025 жылға арналған ең төменгі жалақыны, айлық есептік көрсеткішті және ең төменгі зейнетақыны белгілейтін заңға қол қойды, — деп хабарлайды Massaget.kz тілшісі.
Ақорданың баспасөз қызметінің хабарлауынша, Мемлекет басшысы «2025-2027 жылдарға арналған республикалық бюджет туралы» Қазақстан Республикасының заңына қол қойды.
Заң бойынша 2025 жылғы 1 қаңтардан бастап:
- Ең төменгі жалақы — 85 000 теңге.
- Мемлекеттік базалық зейнетақы төлемінің ең төменгі мөлшері — 32 360 теңге.
- Ең төменгі зейнетақы мөлшері — 62 771 теңге.
- Айлық есептік көрсеткіш — 3932 теңге.
- Базалық әлеуметтік төлемдердің мөлшерін есептеу үшін ең төменгі күнкөріс минимумы 46 228 теңге болады
2025-2027 жылдарға арналған республикалық бюджетте 21 триллион 392 миллиард 54 миллион 673 мың теңге кірістер көзделген. Шығындар — 25 триллион 193 миллиард 22 миллион 392 мың теңге.
Сонымен бірге Тоқаев «Қазақстан Республикасының Ұлттық қорынан 2025-2027 жылдарға арналған кепілдендірілген трансферт туралы» Қазақстан Республикасының заңына қол қойды.
Заңдардың мәтіні баспасөзде жарияланады.
