«Қазгидромет» синоптиктері 2 қыркүйекке арналған ауа райы болжамын жариялады, — деп хабарлайды Massaget.kz тілшісі.
Синоптиктердің айтуынша, биыл Қазақстанға күз ерте келеді. 2 қыркүйек күні еліміздің кей аймақтарында аяз күтіледі.
Қазақстан аумағының атмосфералық фронтальды бөлімдерінде тұрақсыз ауа райы сақталады. Нақтырақ айтсақ, найзағай ойнап, жаңбыр жауады.
Республиканың шығысында және оңтүстік-шығысында қатты жаңбыр, бұршақ жаууы мүмкін.
Солтүстік Қазақстанның солтүстігінде, Ақмола, Қарағанды облыстарының солтүстігі мен шығысында 2 градус аяз күтіледі.
Еліміздің батысында, солтүстік-батысында және солтүстігінде антициклон әсерінен жауын-шашынсыз ауа райы сақталады. Республика бойынша жел күшейеді. Қазақстанның солтүстік-батысында және солтүстігінде түнде және таңертең тұман күтіледі. Еліміздің оңтүстігінде шаңды дауыл тұрады.
Абай, Ұлытау, Жетісу облыстарында, Батыс Қазақстанның батысында, орталығында, Атыраудың шығысында, солтүстік-шығысында, Маңғыстаудың орталығында, солтүстік-батыста, Қызылорда қаласының орталығында, оңтүстікте, батыста, Ақтөбенің орталығында, солтүстікте, Алматының орталығында, Шығыс Қазақстанның батысында, батыста, Қарағандының шығысында, Қостанай облысының оңтүстігінде жоғары өрт қаупі сақталады.
Қызылорда, Түркістан, Жамбыл, Атырау, Маңғыстау, Батыс Қазақстан облыстарында, Ұлытау облысының оңтүстігінде, Абай облысының батысында, солтүстік-батысында, оңтүстігінде және орталығында өте жоғары өрт қаупі сақталады.
