Мәслихатты сайлауға қатысатын үміткерлерге қанша қаражат бөлінетіні айтылды

29 қарашада өтетін мәслихат депутаттарының кезектен тыс сайлауына қатысатын үміткерлердің сайлауалды үгітіне мемлекет бюджетінен қаражат бөлінеді. Орталық сайлау комиссиясы үгіт-насихат жүргізу, ақпарат жариялау және көлік шығынына қажет соманы бекітті. Бұл туралы Baribar.kz хабарлап отыр.

Республикалық маңызы бар қала үміткерлеріне бөлінетін қаражат

Орталық сайлау комиссиясының шешімі бойынша, республикалық маңызы бар қалалар, облыстар мен Астана мәслихатына үміткерлердің теледидар мен радиода сөз сөйлеуіне, сонымен қатар баспа немесе интернет-басылымдарда екі мақала жариялауына 410 мың теңгеге дейін қаражат қарастырылған.

Бұдан бөлек, жария үгіт-насихат өткізуге және материалдар шығаруға 180 мың теңге бөлінеді. Ал көлік шығынын өтеуге әр кандидатқа 110 мың теңге қарастырылған.

Қала және аудан мәслихатының үміткерлеріне қанша ақша беріледі?

Қала мәслихатының депутаттығына үміткерлерге бөлінген қаражат сомасы басқаша. Олардың сөз сөйлеуі мен басылымға материал жариялауына 400 мың теңге, жария үгіт-насихат пен материалдарға 170 мың теңге, көлік шығынына 80 мың теңге қарастырылған.

Аудан мәслихаты үміткерлерінің сөз сөйлеуі мен жарияланымдарына 290 мың теңге бөлінеді. Үгіт-насихат жасауға және материалдар әзірлеу үшін 130 мың теңге, ал көлік шығынына 80 мың теңге қарастырылған.

Бұл қаражаттың мөлшері «Қазақстан Республикасындағы сайлау туралы» Конституциялық заңның 28-бабының 3-тармағы және 33-бабының 2-тармағында бекітілген.

Орталық сайлау комиссиясы қабылдаған қаулылар Астана, облыстар мен республикалық маңызы бар қалалардың сайлау комиссиясына жолданады. Олар құжаттармен аумақтық және округтік сайлау комиссияларын, сонымен қатар бірмандатты сайлау округтері бойынша тіркелген үміткерлерді таныстыруы керек.

Мәслихатты сайлау қашан өтеді?

Естеріңізге салайық, 12 қазанда мемлекет басшысы барлық деңгейдегі мәслихаттардың өкілеттігін мерзімінен бұрын тоқтату туралы жарлыққа қол қойды. Ал 13 қазанда орталық сайлау комиссиясы мәслихат депутаттарының кезектен тыс сайлауы 29 қарашада өтетінін жариялады.

Жоспар бойынша, елдегі 227 мәслихатқа 3 447 депутат сайланады. Оның ішінде 668 мандат облыстағы, 626 мандат қала және аудан мәслихатына бөлінеді.

Моңғолия президенті отставкаға кететінін мәлімдеді 

Моңғолия президенті Ухнаагийн Хүрэлсүх қызметінен кетіп, өзіне тағылған айыптар бойынша ақиқатты анықтауға дайын екенін мәлімдеді.

Енді сабақтан жиі қалатын оқушылар полицияның бақылауында болады

Қазақстанда 21 қарашадан бастап балаларды есепке алу және мектептегі буллиңнің алдын алу қағидаларына өзгерістер енгізіледі.

Қазақстан әйелдері үй шаруасына ерлерден 3,2 есе көп уақыт жұмсайды 

Қазақстандық әйелдер үй шаруасына ерлерге қарағанда 3,2 есе көп уақыт бөледі. Сонымен қатар ақылы және ақы төленбейтін еңбекті қоса есептегенде, әйелдердің жалпы жұмыс күні ерлерге қарағанда әлдеқайда ұзақ.

Безопасное будущее начинается сегодня

БЕЗОПАСНОСТЬ РЕБЕНКА НАЧИНАЕТСЯ ЗАДОЛГО ДО ЧРЕЗВЫЧАЙНОЙ СИТУАЦИИ – С ДОСТУПНОЙ МЕДИЦИНСКОЙ ПОМОЩИ, ПОДГОТОВЛЕННОГО ПЕДАГОГА, ЗАЩИЩЕННОЙ ШКОЛЬНОЙ СРЕДЫ И СВОЕВРЕМЕННОЙ ПОДДЕРЖКИ СЕМЬИ. ЭТИ ЗАДАЧИ ОБЪЕДИНИЛА КОНЦЕПЦИЯ «ДЕТИ КАЗАХСТАНА», РЕАЛИЗАЦИЮ КОТОРОЙ, ПЕРВЫЕ РЕЗУЛЬТАТЫ И ПРОБЛЕМЫ МЕЖВЕДОМСТВЕННОГО ВЗАИМОДЕЙСТВИЯ ОБСУДИЛИ ДЕПУТАТЫ КУРУЛТАЯ В ХОДЕ ПРАВИТЕЛЬСТВЕННОГО ЧАСА.

Қазақстанның ұлттық қауіпсіздік комитетін кім басқаратын болды?

Мемлекет басшысының жарлығымен Марат Ғатаұллаұлы Ирменов Қазақстан Республикасы ұлттық қауіпсіздік комитетінің төрағасы болып тағайындалды.