Түрксіб станциясындағы ЖПб қызметкерлері азаматтардың құқығын қорғауда, қоғамдық тәртіпті қамтамасыз етуде тұрақты түрде қызмет көрсету учаскесінде қылмыстар мен құқық бұзушылықтың жолын кесу бойынша алдын алу жұмысын ұдайы түрде жүргізіп отырады. Түрксіб станциясындағы ЖПб қызметкерлерімен пойыз бастығының актісі бойынша «Семей-Қызылорда» бағытындағы жолаушы пойызында келе жатқан азамат және оның жұбайы Түрксіб станциясынан пойыздан түсірілді.
Олар 35 және 38 жастағы Алматы қаласының тұрғындары екендігі анықталды. Өз әрекетімен аталған азамат пойыздың ішінде орта деңгейдегі масаң күйінде балағат сөздер айтып, пойыз жолаушыларының тыныштығын және қоғамдық тәртіпті бұзған. Аталған құқықбұзушыларға қатысты ҚР ӘҚБтК 440 бабы 1 бөлігі және 434 бабы 1 бөлігі бойынша әкімшілік хаттама толтырылып сотқа жолданды.
Түрксіб ст.ЖПб ӘПб инспекторы полиция лейтенанты Ә.Оңал