Қызылорда облысы бойынша Қылмыстық-атқару жүйесі департаментінің №60 мемлекеттік мекемесінде Наурыз мейрамына мерекелік наурыз көже таратылдв. Сотталған азаматтарды Ұлыстың ұлы күнімен мекеме бастығы, подполковник Мақсұт Өтетлеуов құттықтап, ізгі тілегін білдірлі.
– Наурыз мейрамы – табиғаттың және қоғамның қайта гүлденуі мен жаңаруының нышаны. Күн мен түннің теңелетін, барша тіршілік иесінің шаттыққа кенелетін осынау ұлтымыздың ұлы мерекесінде баршаңызға денсаулық, береке мен ынтымақ, көтеріңкі көңіл-күй тілеймін. Еліміздің іргесі берік, тәуелсіздігіміздің тұғыры биік болсын. Наурыз мейрамын өз деңгейінде атап өту – осы түзеу мекемесінде қалыптасқан дәстүр. Әр жыл сайын түрлі мерекелік іс-шаралар тұрақты түрде ұйымдастырылады. Мысалы, былтыр қызметкерлер арасында спорттық ойындардан жарыс ұйымдастырылып, наурыз көже таратылды, жазасын өтеушілердің қолымен жасалған әсем бұйымдар көрмесі де өтті. Әдетте, Наурыз мейрамын тойлау сәуірдің ортасына дейін жалғасатындықтан, биыл да мұндай игі іс-шаралар ұйымдастырылуда, – дейді мекеме бастығы әділет подполковнигі Мақсұт Өтетлеуов.
