Атырау облысы бойынша ҚАЖД №79 мекемесінде теологиялық оңалту жұмыстарын жүзеге асыру мақсатында, ағымдағы жылдың 20 наурызында “Шапағат деструктивтік діни ағымдардан жапа шеккендерге көмек орталығы” ҚҚ теологі С.Сариев “Құран әліппесі және тәжуид қағидалары” кітапшасын (авторы: Ғалымбек Тобашев) сыйға тартты.
Кітапта араб әліппесіне сауат ашумен қатар, қасиетті Құран Кәрімді өз мәнері мен нақышына сай дұрыс оқып-үйренудің қағидалары толықтай қамтылған. Сондай-ақ, арабшадағы тіл дыбыстарының ерекшеліктері негізге алынып, грамматикалық заңдылықтарға бағыну көзделген. Бұған қоса, Құранның қысқа сүрелері мен дұғаларының да мағыналары айшықталған. Еңбек әрбір Құран үйренушіге арналған. Мақсаты — түзеу мекемелеріндегі жазасын өтеушілер арасында деструктивтік діни ағымдардың таралуының алдын алу, теріс ағымдардың Құранды дұрыс түсінбей, өздерінің теріс мақсаттары үшін түсіндіретін жат ағымды және оған қарсы тұратын иммунитет қалыптастыру.