Алматы қаласы, Алматы және Жетісу облыстары бойынша ҚАЖ Департаментінің №10 әйелдер колониясында жазасын өтеп жатқан әйелдердің туыстары мен жақындары үшін «Ашық есік күні» өткізілді.
«Жыл сайын өткізілетін бұл іс-шараны биыл Алғыс күніне орай, көктемнің алғашқы күнінде өткіздік. Басты мақсатымыз балалардың аналармен кездесуін ұйымдастыру. Өйткені, өскелең ұрпақтың үйлесімді және бақытты балалық шағы-біздің ортақ міндетіміз», — деп атап өтті мекеме бастығы әділет полковнигі Магнис Сабиров.
Сонымен қатар, сотталғандардың туыстары мен жақындарына мекемедегі тұрмыстық жағдайлар көрсетіліп, арнайы дастархан жайылды.
Мұндай іс-шараларды өткізу сотталғандар арасындағы моральдық-психологиялық ахуалға оң әсер етіп, туыстық байланыстарды қолдауға ықпал етеді.
