8 наурыз Халықаралық әйелдер мерекесі қарсанында №79 мекемесінде жазасын өтеп жатқан сотталған азаматшалар арасында «Әлемді әйел ана әлдилейді» атты іс-шара ұйымдастырылды. Іс-шараға Атырау қалалық орталықтандырылған кітапханалар жүйесі коммуналдық мемлекеттік мекемесіне қарасты #2 қалалық кітапханасының қызметкерлері шақырылды. Тақырып аясында қоғам мен ғылымның дамуына өз үлесін қосқан әйелдер жайлы, өздерін осы кітаптардың кейіпкерлерінің орнына қойып шабыттанып, оқу-білім іздеп, арман қуып, биік шындарды бағындыруға деген ұмтылысын арттыру жайында сұхбат жүргізді. Кітапхана қызметкерлері азаматшаларды құттықтап қана қоймай, кітапқа деген ынта-ықыласын арттыру мақсатында мекеме қорына 25 кітап табыс етті.


