Көктемнің алғашқы күні 1 наурыз «Алғыс айту» күніне орай Атырау қалалық пробация қызметі салауатты өмір салтын насихаттау және қайта қылмысты болдырмау, оның алдын-алу мақсатында есепте тұрған сотталғандар арасында «Денсаулық спорт кепілі» атты ұзыңдыққа жүгіру марафонын өткізген болатын.
Бұл спорттық іс шарасының негізгі мақсаты сотталғандарды спортқа бейімдеу, қайсарлықпен шыдамдылықты нығайту болып табылады. Аталған іс шараға қалалық пробация қызметі есебінде тұрған 30 сотталған белсенді қатысты. Жүлделі 1,2,3 орындар анықталып, грамотамен марапатталып, медальдар берілді. Сонымен қатар, белсенділік танытып, қатысқан сотталғандар алғыс хатпен марапатталды.
Спортпен айналысқан адамның денсаулығы мықты, өзі шыдамды болады. Біздің ата-бабаларымыз “тәні саудың – жаны сау” — деп бекер айтпаған. Спорттың қай түрімен айналысу адамның қабілетіне байланысты болады.
М.Б. Уразгалиев, Атырау қалалық ПҚБ бастығы әділет майоры
