Жазаларын өтеп жүрген сотталғандарды жұмыспен қамту

Ағымдағы жылдың 29 ақпанында Аршалы ауданы әкімдігінің аппараты базасында Астана қаласы бойынша ҚАЖ Департаментінің №2 мекемесіндегі сотталғандардың еңбегін ұйымдастыру бөлімшесімен бірлесіп мекемеде қылмыстық жазаларын өтеп жүрген сотталғандарды жұмыспен қамтуды ұлғайту бойынша жұмыс отырысы ұйымдастырлып өткізілді. Жұмыс отырысына Аршалы ауданы прокурорының орынбасары, Астана қаласы бойынша ҚАЖ Департаменті бастығының орынбасары, Аршалы ауданы «Атамекен» ҰКП директоры және «Еңбек» РМК өкілдері қатысты. Жұмыс отырысын Аршалы ауданы әкімінің орынбасары С.Т Нұрғазин ашты.
«Қазіргі таңда, мекемедегі сотталғандардың барлығын жұмыспен қамту басты мәселе болғандықтан, еңбек сұрағы мекеменің өзекті мәселесі болып тұр. Еңбек – қылмыстық – атқару жүйесі негізінің бір бөлшегі екенін», — Совет Теміртайұлы Нұргазин атап өтті.
Мекеме басьығы әділет подполковнигі А.К Мухин соттағандарды еңбекпен қамту бойынша баяндамасын оқып, сонымен қатар бизнесті ұлғайтумен мекеме аумағында қосымша жұмыс орындарын ашылады, мекемеде қылмыстық жазаларын өтеп жүрген сотталғандарды максималды түрде жұмыспен қамтитын, «Еңбек-Аршалы» филиалының өндірістік қуатын арттыратынын айтты. Сонымен қатар осы жұмыс отырысында басқа да өзекті мәселелер және оларды шешудің жолдары қарастырылды.
«Мекеме аумағында кәсіпті ұлғайту сотталғандарға жағымды жағдай, туғандарына материалды түрде көмектесулеріне, сонымен қатар талаптық міндеттерін өтеуге мүмкіндік. Сотталған жұмысқа орналасып білімін және тәжірибесін машықтап, босатылып шыққаннан кейін басқа жұмысқа тез орналасуына мүмкіндік беретінін» Астана қаласы бойынша ҚАЖ Департаменті бастығының орынбасары әділет подполковнигі Н.Е Ажиханов атап өтті.