Абай облысында балалар әкелерін Алғыс айту күнімен құттықтады. Қауіпсіздігі аралас түзеу мекемесінің тәртіп бөлімінің бастығы Рамазанов Бауыржан Еділұлы екі баланы жалғыз тәрбиелеп отыр.
Бүгін 13 жасар Әйгерім мен 15 жасар Нұртуған әкелеріне, оның ыстық ықыласы мен қамқорлығы үшін алғыстарын білдірді. Бір жыл бұрын науқасынан ұзақ емделгеннен кейін Бауыржан Еділұлының жолдасы қайтыс болған еді. Енді бала күтімі жалғыз басты әкенің мойнында.
«Жолдасым қайтыс болғаннан кейін маған қиын болды. Балаларды тәрбиелеу, отбасындағы жайлылық пен жақсылықты сақтау әйелдердің иығында ғой. Кейде мен олардың сұрақтарына жауап та бере алмаймын. Қанша тырыссам да, кейбірде олар үшін аналары сияқты жақын жан бола алмай қалатындаймын. Бүгін балалар мені алғыс айту күнімен құттықтап, таң қалдырды», – дейді Бауыржан.
«Бауыржан Еділұлы – рухы биік адам. Ол кісінің отбасына амандық, бақыт тілейміз», — деді тәрбие және кадр бөлімінің бастығы Дидар Жұмаханова.
