«Алғыс айту күні» қарсаңында Семей қаласының «Дариға-ай жастар теартының» актерлары бостандығынан айырылған тұлғаларға концерттік бағдарлама ұйымдастырды.
Абай облысында «Алғыс айту күні» арнап, Семей қаласының «Дариға-ай жастар теартының» актерлары, қауіпсіздігі аралас мекемеде жазасын өтеуші сотталғандарға концерттік бағдарламамен келді. Концертте қазақ классиктерінің шығармаларымен қатар, орыс және шетел классикасынан да шығармалар ұсынылды. Концертке тамашалауға жиналған сотталғандар актерлерді ерекше ықыласпен қабылдап, көрермен қошеметімен риза етті.
«Біз колонияда алғаш рет концерттік бағдарлама қоюдамыз. Өнер адамы көрермен талғамайды. Бүгінгі ерекше ықылас пен ынталы көрермендерге риза болдық. Бұл іс-шара арнайы «Алғыс айту күніне» туыстары мен жақындарынан жырақта қалған, бос бостандығынан айырылған азаматтарға ұйымдастырылған еді. Олардың әрқайсысы тезірек босап шығып, жанұяларымен қауышса екен деп тілеймін», — концерттік көркемдік жетекшісі Еркебұлан Нұғыманов.
