Бұл іс-шара режимдік тәртіпті нығайтуға, құқық бұзушылықтың алдын алуға, тыйым салынған заттарды тәркілеуге және сотталғандардың заңсыз әрекеттерінің жолын кесуге бағытталған.
Іс-шараға ҚАЖ Департаментінің өкілдері, Алматы қаласы Түрксіб ауданының прокуроры және мекеме қызметкерлері қатысты.
Тінту нәтижесінде тыйым салынған заттар табылған жоқ. Барлық әрекеттер бейне камерасына түсіріліп, заң шеңберінде өткізілді.
Мекеме аумағына синтетикалық есірткі және тыйым салынған заттардың енуіне жол бермеу мақсатында мұндай іс-шаралар жүйелі түрде өткізіліп тұрады.
