Абай облысында қауіпсіздігі аралас мекеме қызметкерлері «Желтоқсан құрбандары мәңгі есімізде» атты дөңгелек үстел өткізді. Дөңгелек үстелге тәжірибелі қызметкерлермен қатар, жас мамандар да қатысты. Іс-шара барысында, талай қазақ қыздары мен жігіттерінің өмірін қиған, «Құйын−86» атты операция туралы деректер айтылды. Не бары 16-23 жас аралығындағы жастардың, Елі үшін жанкешті, батыл талпыныстарының қандай күшпен жаншылғаны туралы ақпараттар тыңдалып, бейнежазбалар көрсетілді.
«Егеменді еліміздің келешегі үшін жанын пида еткен батыр жастарды ұмытпаймыз! Президентіміз Қасым-Жомарт Кемелұлы атап өткендей, бұл күн- ұлттық мәртебеге ие. Жас қызметкерлермен арнайы ұйымдастырылып отырған бұл іс-шара, олардың әрбіреуінің кеудесінде патриоттық сезім оятары анық деп айта аламын», — дейді мекеме бастығының орынбасары Айдын Калелов.
