Байқоңыр аудандық пробация қызметінің есебінде тұрған сотталғандар арасында қайталанатын қылмыстардың алдын алу мақсатында бас бостандығын шектеуді бас бостандығынан айыру жазасына ауыстыру бойынша ашық сот отырысы өтті.
Астана қаласының Қылмыстық істер жөніндегі ауданаралық сотына сотталған В.-ға қатысты ашық сот процесіне қатысу үшін үш сотталған шақырылды. Сот отырысында В.-ға қатысты бас бостандығын шектеу жазасының өтелмеген бөлігін бас бостандығынан айыру түріндегі жазамен ауыстыру мәселесі қаралды.
Сотталған В. жазаны өтеу тәртібін бұзған фактілерін толықтай мойындады. Ол соттан оны бас бостандығынан айыруды емес, мүмкіндік беруді сұрады. Алайда, сотталған жазаны өтеу тәртібін қасақана бұзғандықтан, Астана қаласының Қылмыстық істер жөніндегі ауданаралық сотының қаулысымен сотталған В.-ға жазаның өтелмеген бөлігі 2 жыл 3 ай 20 күні бас бостандығынан айыру жазасына ауыстырылып, жазаны өтеу қылмыстық-атқару жүйесінің орташа қауіпсіз мекемесінде белгіленді.
Сондай-ақ, шақырылған сотталғандармен құқық бұзушылықтың алдын алу бойынша қосымша профилактикалық әңгіме жүргізілді.
