Алматы қаласы, Алматы және Жетісу облыстары бойынша ҚАЖД қарасты №10 мекемедегі «Балалар үйінде» балалар арасында Күзгі бал өткізілді.
Балалар өздерінің сүйікті ертегілерінің кейіпкерлері болып киініп, қызықты байқауларға белсенді қатысты. Ұлдар мен қыздар өлең оқып, ән айтып, би билеп, кейіпкерлерінің рөлін ойнады. Сонымен қатар, суреттер байқауында олар өздерінің қолдан жасалған суреттері мен туындыларын ұсынды.
«Бүгін іс-шарада жылулық пен жарықтың ұмытылмас атмосферасы орнады. Балалар көптеген жақсы эмоцияларға ие болып, қатты қуанды. Әрине, көп жағдайда бұл жерде жазасын өтеп жатқан аналарының күш-жігері болды. Олардың белсенді қатысуынсыз мереке сәтті болмас еді», — деп атап өтті мекеме бастығының м.а. Магнис Сабиров.
Іс-шара қорытындысы бойынша мекеме әкімшілігі атынан қазылар алқасы қорытындылап, балаларды грамоталармен және естелік сыйлықтармен марапаттады.
