Жуырда Шымкент қаласы және Түркістан облысы бойынша ҚАЖД қарасты Сауран аудандық пробация қызметі бөлімінің аға инспекторы әділет капитаны Абылай Тлеулиев пен Сауран аудан прокурорының орынбасары Күмісхан Таңатов және прокурор Асхат Тәжінің қатысуымен пробация қызметінде тіркеуде тұрған сотталғандарға құқық бұзушылықтардың алдын алу туралы түсіндірілді.
Аталған жиынға он бес сотталған қатысып, аудандық прокурорына көкейлерінде жүрген сұрақтарын қойып, тұщымды жауап алды. Аталған іс-шара пробация қызметінде есепте тұрғандармен құқық бұзушылықты алдын алу мақсатында өткізілді. Сонымен қатар, прокурорлар пробация қызметінде есепте тұрғандарға пробациялық бақылауды бұзған жағдайда (сот жүктеген міндеттерді орындамағанда, қайталап қылмыстық және әкімшілік құқық бұзушылық жасағанда, пробация қызметіне келмегенде және т.б.), сотпен тағайындалған жаза неғұрлым ауыр жазаға ауыстырылатынын ескертті.
Қазіргі таңда Сауран аудандық пробация қызметінің есебінде тұрған сотталған тұлғалар тарапынан жасалатын құқық бұзушылықтар мен қайта қылмыстың алдын алу бойынша пробация қызметі мен қалалық прокуратура өзара іс-қимылдарының тиімділігін арттыру мақсатында, ПҚБ есебінде тұрған сотталғандар жағынан қайта қылмыстар мен құқық бузушылықтың алдын-алу мақсатында бірлесіп бірқатар жұмыстар өткізуде.
Бас бостандығынан шектеу жазасына тартылған тұлғаларды Сауран аудан прокурорының орынбасары Күмісхан Таңатов және прокурор Асхат Тәжімен кездестірудегі мақсатымыз, пробация есебінде тұрған сотталғандар қайта қылмыс жасаудың салдары ауыр екенін түсіндіру. Қоғамнан оқшаулауға байланысты емес жазаға сотталған тұлғалардың тарапынан жасалуы мүмкін болатын қайта құқық бұзушылықтар мен қылмыстар жасаудың алдын-алу, жолын кесу болып табылады. Пробация қызметінің қызметкерлері прокуратура қызметкерлерімен бірлесе отырып, тіркеудегі сотталған тұлғаларды тексеру кезінде мекен-жайыдан, қала тұрғындары демалатын ойын-сауық кешендері бойынша кешкі және түнгі уақытта жүрмеуі де қатаң ескертілді. Өткізілген іс-шаралар барысында аталған тұлғалар арасында жазасын өтеуден бас тарту немесе басқа да құқық бұзушылықтар анықталған жағдайда Сауран аудандық пробация қызметі сот органдарына сотталған тұлғаларға қатысты жазасын өтеудегі сынақ мерзімін ұзарту немесе қоғамнан оқшаулауға байланысты емес жазасын бас бостандығын айыру жазасына ауыстыру жайлы ұсыныстар енгізетіні де айтылды. Сотталғандармен толық тұрғыда әңгімелесу жүргізіліп, жазасын өтеу тәртіптері мен сотпен анықталған міндеттер және оларды бұзудың салдары қосымша түсіндірілді, — деді Сауран аудандық пробация қызметі бөлімінің аға инспекторы әділет капитаны Абылай Темирханұлы.
