Түркістан облысы Жетісай аудандық полиция бөлімінің учаскелік полиция инспекторлары, криминалдық полиция бөлімшенің жедел уәкілдерімен және Жетісай ауданы әкімдігі жанынан құрылған қоғамдық қауіпсіздікті қамтмасыз етуде сервистік тәсілді еңгізу жөніндегі ведомствоаралық топ мүшелерімен бірлесе отырып аудан аумағында «Құқық тәртіп» жедел-профилактикалық іс-шарасы өткізілуде.
Бұл іс-шара Қазақстан Республикасы ІІМ-нің нұсқаулығына сәйкес, адам саудасына байланысты қылмыстарды ескертуге, жолын кесуге, анықтауға және ашуға бағытталған.
Тәртіп сақшылары шара барысында адамның құқығын еркінен тыс таптау немесе заңсыз еңбекке тарту қылмыстық жауапкершілікке әкеліп соғатындығын түсіндіріп, мұнан бөлек, адамдарды күштеп ұстау қылмыстарын болдырмау мен алдын алу үшін нақты жоспар құрылған және тиісті түсіндірме жұмыстары жүргізілгендігін айтты.
Нәтижесінде қонақ үйлер, моншалар және басқа да орындарда арнайы түнгі рейдт жүргізу барысында жалпы 5 жеңіл жүрісті азаматшалар анықталып, оларға тиісті әкімшілік шара көрілді. Сонымен қатар оларға алдағы уақытта қайта жасамау туралы ескерту беріліп, жеке сұхбат жұмыстары жүргізілді.
Осы ретте тәртіп сақшылары қала тұрғындарына қандай да бір күмәнді оқиға жөнінде хабардар болса, тәуліктің кез-келген уақытында «102» нөміріне хабар беруді сұрайды. Бұл қылмыстың ашылуына көп септігін тигізері сөзсіз және адам өмірін сақтаудың да төте жолы.
