Ағымдағы жылдың 20-30 қараша аралығында мемлекеттің барлық аумағында «Құқық тәртіп» жедел-профилактикалық іс-шара өткізілуде.
Алматы қаласы, Алматы және Жетісу облыстары бойынша ҚАЖД қарасты Қонаев қалалық пробация қызмет есебінде тұрған сотталғандардың құқық бұзушылықтарын анықтау және алдын-алу мақсатымен жұмыс қарқынды өтуде.
Пробация қызметінің қызметкерлері полиция учаскелік инспекторымен бірлесе отырып, түнгі уақытта сотталғандардың мекен-жайларымен жұмыс орындары тексеріліп, сотталғанның туыстарымен, жұмыс берушілермен сұхбаттасу жұмыстары атқарылуда.
Сонымен қатар, барлық мәлімет базаларынан сотталғандардың қылмыс жасау және құқық бұзушылық фактілерін анықтау үшін тексеру жұмыстары жүзеге асырылуда.
